Thursday 22 September 2016

A story about love


Ek moet bieg, maar ek vind die sielkunde rondom die mens en verhoudings baie fasinerend en nes die kosmos, glo ek - there is still much that remains to be discovered. Van kleins af word daar vir jou "waardes" en "morale" geleer; die "reg" en "verkeerd" van wat sosiaal aanvaarbaar is. Ek plaas hierdie woorde in aanhalingstekens, want dit (wat meeste mense as standaard-optrede sou noem) was lank terug deur iemand uitgedink (opgemaak om dit verder te vat) nes die term daarvoor in 'n woordeboek. Van generasie tot generasie word hierdie "gelowe" of moraliteit oorvertel en oorvertel - en ek kan nie help om te dink aan hoe ons, as kind, telefoontjie gespeel het en hoe verkeerd die boodskap nou al oorgedra kon wees nie... after all, die boodskap kom al eeue saam. 

Nou, wat is normaal en wie het die outoriteit om daaroor te besluit. God? Ek gaan eerder nie nou oor Godsdiens praat nie, want dit is 'n reeks-blog (is daar so 'n woord?) op sy eie. 

Om terug te kom by die sielkunde van wat ons mense as "standaard" beskou en om dit eenvoudig te hou, gaan ek dit vergelyk met die engelse uitdrukking: "monkey see, monkey do" - want die aap weet nie hoekom hy doen wat hy doen nie. Om my punt beter te maak, moet ek eers bietjie verduidelik. Hierdie bekende sosiale eksperiment gaan so:

'n Groep wetenskaplikes het vyf ape in 'n hok geplaas en in die middel was 'n leer met piesangs bo-op. Elke keer as 'n aap teen die leer opgeklim het om die piesangs te kry, het daar koue water uit die dak oor die res van die ape geval. Na 'n ruk, elke keer as 'n aap die leer begin klim, dan word hy afgetrek deur die ander en (quite frankly) gemoer. Binnekort wou geen ape dit durf om die leer te klim nie - maak nie saak hoe groot die versoeking nie. (Onthou hierdie sin vir later)
Die wetenskaplikes het toe besluit om een ​​van die ape te vervang. Die eerste ding wat hierdie nuwe aap gedoen het, was om die leer te klim. Onmiddellik het die ander hom afgetrek en geslaan.
Na 'n paar donner-sessies, het die nuwe aap nooit weer die leer probeer klim nie - tog is hy glad nie bewus van die rede hoekom aangerand word nie. 

'n Tweede aap was vervang en dieselfde het gebeur.... hierdie keer het selfs die eerste aap die tweede aangerand. 'n Derde aap-verandering en dieselfde word herhaal. Die vierde en vyfde word toe ook uiteindelik vervang. Wat oorgebly het was 'n groep van vyf ape wat, sonder dat hulle al ooit 'n koue stort ontvang het, voortgegaan het mekaar aan te rand sodra iemand nuuts dit poog om die leer te klim. 

As dit moontlik sou wees om die ape te vra waarom hulle almal wat probeer het om die leer te klim, slaan, sou hul mees waarskynlike antwoord die volgende wees: "Ek weet nie. Dis net hoe dinge hier rond gedoen word."

Is dit hoekom ons doen wat ons doen? Is ons almal net klomp ape wat vir generasies aanhou doen wat ons doen, want "dis net hoe dinge hier rond gedoen word"? Die idee van monogamie - is dit dalk iets wat ons moet vat en soos die engelsman sou sê "take it back to the drawing board"? 

In my opinie om monogamie met moraliteit te verwar, het die mensdom se gewete al meer vernietig as as enige ander fout.

Mo-no-ga-mie’ s.nw. Huwelik van een man met een vrou op ‘n keer; by diere , besit van een mannetjie of wyfie op ‘n keer; teenoor poligamie. [G. mono + gamos huwelik ] monogamis’.

Great. Voor iemand skrik, aannames maak en my beskuldig van ateïsme of dat ek my "partner" al (of sal) verneuk... laat ek jou gerusstel. Ek glo aan monogamie emosioneel en seksueel as 'n pakket. Ek glo nog kinderlik daarin. Kinderlik; ek hou van hierdie woord, want dit verduidelik so mooi hoe jy onvoorwaardelik iets kan glo, nes 'n 4 jarige oor Kersfeesvader voel, maar dis juis hierdie een geloof wat ek vir my talle mislukte verhoudings sal blameer. Dit en nog 'n aaklige sielkundige probleem van "the heart wants what it can't have".

Ek het al talle verhoudings gehad wat nerens gegaan het nie - alhoewel ek al op 'n stadium gedink het dat ek vervloek is, het ek nou eers, op die ouderdom van 29, besef dat die skuld eintlik net by my lê. Hierdie is nie ek wat Jannie-jammergat speel nie, maar 'n ek wat nou eers verstaan dat ek met verkeerde brille na die wêreld kyk. 

Vir 'n verhouding om te werk, moet ek my idees oor hoe 'n verhouding moet wees, verander - hierdie selfde idees wat geïndoktrineerd word deur ons ouers, voorouers, vriende, hollywood en die samelewing oor hoe dinge moet wees. Daar word 'n prentjie geskep van hoe 'n gelukkige mens moet lyk en hoe hy/sy sy/haar lewe moet lei. Speel as 'n kind, leer as jong volwassene, kry 'n partner, bly monogaam, teel aan, speel telefoontjie met jou kinders en so begin die sirkel weer van vooraf. Ek sê nie hierdie storie is verkeerd nie, maar daar kort nog karakters. 

Hierdie Goue Reeks met Vader, Moeder, Boet, Saartjie en buks hul hond werk vir baie mense en thats good for you, maar my naam is Rihan... kan ek nie maar my eie storie skryf nie?

My verhoudings het gewoontlik rondom maand 3 geëindig - die meisie het of belangstelling verloor, ek het verveeld geraak of ek het gevoel iets kort. Onthou die storie van die ape? Wel, die ape het nie geval vir die dodelike versoeking nie, al wou hul, want hulle het geglo dit is verkeerd en hul gaan gestraf word. Eerder om dan iemand te verneek, hetsy seksueel of emosioneel (onthou ek het gesê ek glo aan monogamie), los ek dan eerder die persoon... en so raak ek dan oornag die d**s in die verhaal. Ek het wel 'n 4 jaar verhouding eenkeer gehad, maar dit was daai bekende geval van "the heart wants what it can't have". Ek het te lank geglo dinge sal beter gaan en ek het te lank probeer baklei vir daai ietsie wat ek gevoel het kort in ons verhouding. Dis waar ek besef het, ek is besig om my eie storie te skryf.

So wat sê ek nou eintlik? Ek weet self nie, maar wat ek wel weet is dat ek nie alles in die lewe kan aanvaar vir hoe dit "moet" wees nie en so hoef ander ook nie. As die storie van Boet en Saartjie vir jou werk, mooi vir jou. Indien nie, don't stress. It's okay to be different - moenie bang wees om anders te wees nie. Kyk met ander brille na die wêreld, vra vrae, filosofeer bietjie, doen dinge anders, wees eerlik met mekaar en doen wat vir jou gelukkig maak. 

Is dit dan nie waaroor die lewe gaan nie?

Sunday 10 January 2016

Is dit tyd dat die Wes-Kaapse Provinsie sy verbintenis tot die Republiek van Suid-Afrika herdink?


Sit gou en terwyl jy die News24 artikel lees, verbeel jou die moontlikhede!
Should the Western Cape break away?

Plaas jou politieke-voorkeure vir 'n rukkie opsy... Al stem jy nie vir die DA nie, is daar niemand wat gaan stry dat die Wes-Kaap nie beter bestuur word as die res van die land nie. Daar is verseker nog klomp probleme in die provinsie, maar meeste van hierdie probleme en oplossings daarvoor lê nie Provinsiale nie, maar op 'n groter Nasionale vlak.
'n Wegbreek van die Republiek is nie iets wat maklik sal kan gebeur nie. Vergeet vir 'n oomblik van maklik en moeilik. Vergeet van die wetlike aspekte, plaaslike ondersteuning, invoer- en uitvoer beleide, ekonomiese-druk ens. wat teen so 'n skeiding mag wees... dit is nie wat die Wes-Kaap slapelose nagte sal gee nie. Hul grootste struikelblok is die huidige ANC-regering. Volgens StatsSA was die Wes-Kaap se provinsiale bydrae tot die nasionale ekonomie net 14,2% in 2011. Minder as wat jy gedink het? - Wel, dit is 14,2% wat die Republiek nie kan bekostig om te verloor nie en die ANC sal alles in hulle vermoë doen om dit teen te staan.
Verbeel jou nou elke klip is uit die pad gerol en die Wes-Kaap is nou die Staat van Goeie Hoop. Om 'n land te regeer is soos 'n besigheid - vat die suksesvolste besigheid, gee dit 'n swak bestuurder en kyk hoe vou dit. Sonder die ANC se roekelose bestuur, sal die Staat van Goeie Hoop 'n voorbeeld kan stel vir die res van Afrika.
Saam met goeie bestuur, gaan beter besteding van geld en indiensneming gebasseerd op meriete eerder as tjommie-tjommie of guns-vir-guns. Onbevoegdheid, "cadre"-indiensneming, roekelose besteding en ander provinsies se swak presterende munisipaliteite gaan nie meer ons banke leegtap nie. Geen borgtog gaan meer nodig wees vir swak-presterende Staatsentiteite soos die Suid-Afrikaanse Lugdiens, Eskom of die Suid-Afrikaanse Posdiens nie. Ons Polisie-diens kan weer die Polisie-mag raak - vertroue en respek in hulle sowel as ons Weermag sal maak dat misdaad afneem, wat dan weer ons internasionale beeld van 'n "gangster-paradise" kan verander.
Beter staats-besteding tesame met plaaslike en Internasionale vertroue in ons land, dienslewering, regering en beleggings, om 'n paar te noem, sal buitelandse valuta d.m.v. toerisme en beleggings verdubbel (maklik selfs meer). Dit inruil sal dan inflasie laat daal, die ekonomie laat groei en die geld-eenheid versterk. Hoe klink R5 teen die $ en R10 teen die £?
'n Groter inkomste beteken meer geld om te spandeer op wat nodig is. Meer geld (en beter politiek) beteken meer geld vir Onderwys en Naskoolse Onderwys en Opleiding; Plaaslike ontwikkeling en Maatskaplike infrastruktuur; Verdediging, Openbare orde en Veiligheid; Gesondheid; Openbare - en ekonomiese dienste ens. wat hierdie dienste wêreld-klas kan maak.
Meer gegradueerdes sal verkies om eerder te bly as om te emigreer en inwoners van die Staat van Goeie Hoop kan weer trots wees op 'n paspoort waarmee hulle makliker kan reis.
Onder leiding van Jacob Zuma in die ANC-regering het selfs die grootste optimis 'n pessimis geraak. Niemand in ons huidige regering kan sy man staan nie en die woord (verskoning) "Apartheid", wat soveel mense al 'n gat-kramp gee, is al tot vervelens gebruik. Gaan die Republiek volg in voetspore van ons buurland Zimbabwe of is daar 'n (goeie) toekoms vir ons kinders in hierdie land?
Hierdie pragtige land van ons kan nie aangaan soos wat dit nou aangaan nie - iets drasties moet verander!
'n Wegbreek van die Republiek klink nou soveel makliker.